Id-Direttorat għad-Drittijiet tal-Bniedem qed imexxi l-proġett ‘Lejn l-implimentazzjoni ta’ Strateġija Kontra r-Razziżmu għal Malta’ (END-RACISM-MT). Dan il-proġett huwa parzjalment iffinanzjat mill-Programm Ċittadini, Ugwaljanza, Drittijiet u Valuri 2021-2027. L-għan tiegħu huwa li jtejjeb ir-rispons tal-awtoritajiet pubbliċi Maltin għad-diskriminazzjoni multipla u intersezzjonali, razziżmu u ksenofobija, u biex jistabbilixxi l-pedamenti għall-implimentazzjoni ta’ Strateġija Kontra r-Razziżmu (2021-2023) għas-soċjetà futura kollha

Dan il-proġett se jġib bidla permezz ta’:

• bini ta’ fiduċja bejn il-komunitajiet u l-awtoritajiet pubbliċi billi tiġi stabbilita Pjattaforma Kontra r-Razziżmu mmexxija mis-soċjetà ċivili;
• riċerka mmirata biex tapprofondixxi l-fehim tal-Gvern dwar l-esperjenza tal-membri tal-gruppi minoritarji f’Malta;
• il-kreazzjoni ta’ għodda għall-politika u l-adozzjoni ta’ pjanijiet ta’ azzjoni intra-ministerjali biex tiġi żgurata l-mainstreaming kontra r-razziżmu fil-Gvern;
• azzjoni u tfassil tal-politika;
• taħriġ tal-uffiċjali pubbliċi f’kull Ministeru tal-Gvern;
• tisħiħ tal-kooperazzjoni bejn l-istakeholders biex jiġu mtejba l-prattiki ta’ ġbir ta’ data dwar diskors ta’ mibegħda u reati ta’ mibegħda;
• l-adozzjoni ta’ Strateġija Nazzjonali Kontra x-Xnigħat ibbażata fuq dijanjosi profonda u t-taħriġ ta’ aġenti Kontra x-Xnigħat;
• it-tixrid ta’ messaġġ sod kontra d-diskriminazzjoni fis-soċjetà Maltija.

Ibbażat fuq dan il-proġett, Malta tkun tista’ toħroġ strateġija komprensiva u sostenibbli kontra r-razziżmu.

Il-konsorzju huwa magħmul mill-koordinatur, li huwa d-Direttorat għad-Drittijiet tal-Bniedem (HRD) u sitt imsieħba: in-Netwerk Ewropew Kontra r-Razziżmu (ENAR), Diversit, Kopin, l-Università ta’ Malta u l-Kummissjoni Nazzjonali għall-Promozzjoni tal-Ugwaljanza (NCPE). L-Uffiċċju Nazzjonali tal-Istatistika (NSO) huwa msieħeb assoċjat.