Avvenimenti Passati
Laqgħa tal-Pjattaforma Kontra r-Razziżmu – 13 ta’ Marzu 2023
Fit-13 ta’ Marzu 2023, saret laqgħa tal-Pjattaforma Kontra r-Razziżmu fil-Valletta Design Cluster, faċilitata minn Kopin u bil-preżenza ta’ rappreżentanti mid-Direttorat għad-Drittijiet tal-Bniedem (HRD). Il-laqgħa fetħet b’introduzzjoni tal-parteċipanti u preżentazzjoni tal-ħidma li qed issir fuq il-miżuri differenti tal-Istrateġija Kontra r-Razziżmu. Dan kien segwit minn diskussjoni u feedback produttiv bejn il-membri dwar punti speċifiċi, kif ukoll skambju ta’ suġġerimenti dwar kif għandha tinbena l-inklużjoni fl-attivitajiet futuri. Ġiet ukoll imħabbra sejħa għal membri li kienu interessati li jinvolvu ruħhom aktar fil-proċess u jkunu parti mill-Kumitat tal-ARP.
Konferenza tat-Tnedija tal-END-RACISM-MT – 26 ta’ April 2023
Il-Konferenza tat-Tnedija tal-proġett ‘Lejn l-implimentazzjoni ta’ Strateġija Kontra r-Razziżmu għal Malta’ (END-RACISM-MT) saret fis-26 ta’ April 2023. L-imsieħba tal-proġett u l-istakeholders iltaqgħu biex jiddiskutu l-implimentazzjoni tal-Istrateġija Kontra r-Razziżmu u vvalutaw fejn ninsabu f’dan il-qasam tal-ugwaljanza u t-triq ’il quddiem. Matul il-konferenza, kien hemm numru kbir ta’ parteċipanti u istituzzjonijiet preżenti, li wassal għal diskussjoni profonda bbażata fuq ir-rapporti ppreżentati mill-mexxej tal-proġett u l-koordinatur tal-proġett, kif ukoll mill-imsieħba tal-proġett NCPE u Kopin. Barra minn hekk, ingħata workshop Kontra x-Xnigħat mill-partner tal-proġett Diversit.
Workshop Kontra x-Xnigħat – 26 ta’ April 2023
L-imsieħeb fil-proġett Diversit mexxa workshops dwar l-Istrateġija Kontra x-Xnigħat li saru waqt il-Konferenza ta’ Tnedija tal-proġett nhar l-Erbgħa, 26 ta’ April, bil-parteċipazzjoni ta’ diversi stakeholders ewlenin.
Ir-riżultati tal-workshops se jikkontribwixxu għall-ewwel Strateġija Kontra x-Xnigħat f’livell nazzjonali li qed tingħata bidu minn dan il-proġett. Dan il-pass innovattiv huwa prattika tajba li nittamaw li tiġi adottata f’kuntesti oħra. L-Istrateġija Kontra x-Xnigħat, li tinsab fost il-prodotti tal-proġett, hi wieħed mir-riżultati tanġibbli tar-relazzjoni tajba u b’saħħitha li l-HRD igawdi mal-Kunsill tal-Ewropa.
Taħriġ għall-Aġenti Kontra x-Xnigħat
It-taħriġ għall-Aġenti Kontra x-Xnigħat ingħata minn Diversit fit-30 ta’ Novembru u l-1 ta’ Diċembru. Dawn l-aġenti se jkunu mgħammra biex jiġġieldu d-diskors razzist negattiv.
Konferenza ta’ Nofs it-Terminu tal-END-RACISM-MT
Il-Konferenza ta’ Nofs it-Terminu tal-proġett ‘Lejn l-implimentazzjoni ta’ Strateġija Kontra r-Razziżmu għal Malta’ (END-RACISM-MT) saret fid-29 ta’ Novembru 2023. Matul il-konferenza, ġew ippreżentati rapporti u riċerki addizzjonali mill-partners tal-proġett. Dawn ir-rapporti jistgħu jinstabu fuq il-paġna “Riżorsi u Materjali”.
