L-Onor. is-Sa Rebecca Buttigieg bħalissa qed isservi bħala Segretarju Parlamentari għar-Riformi u l-Ugwaljanza fi ħdan l-Uffiċċju tal-Prim Ministru – Fondi Ewropej, Ugwaljanza, riformi u Djalogu Soċjali.. Hija għandha B.A. fir-Relazzjonijiet Internazzjonali mill-Università ta’ Malta u kompliet bl-istudji tagħha fl-Università ta’ Edinburgh wara li fl-2015 iggradwat b’MSc fil-Kriminalità Globali, il-Ġustizzja u s-Sigurtà.

L-Onor. Buttigieg bdiet il-karriera tagħha taħdem fl-Assemblea Parlamentari tal-Mediterran, fejn hija aktar tard kisbet esperjenza barra l-pajjiż taħdem bħala Uffiċjal tal-Politika fir-Rappreżentanza Permanenti ta’ Malta fl-Unjoni Ewropea matul il-Presidenza Maltija tal-Kunsill tal-Unjoni Ewropea. Fl-2017, hija bdiet taħdem bħala Kelliema għall-Ministeru għall-Ekonomija u l-aktar reċenti għall-Ministeru għall-Intern, is-Sigurtà Nazzjonali u l-Infurzar tal-Liġi.

Hija kkontestat l-elezzjoni ġenerali għall-ewwel darba fl-2022 u sussegwentement ġiet eletta fil-Parlament.

L-Onor. Buttigieg hija miżżewġa lil Andrea.​