Dwar it-Taqsima SOGIGESC
It-Taqsima tal-Orjentazzjoni Sesswali, Identità tal-Ġeneru, Espressjoni tal-Ġeneru u Karatteristiċi tas-Sess (SOGIGESC) twaqqfet f’Ġunju tal-2018 biex tikkordina l-politika tal-gvern fil-qasam tal-ugwaljanza LGBTIQ+ u tipprovdi appoġġ lil Ministeri u Dipartimenti oħra kif meħtieġ.
Bħalissa, it-Taqsima SOGIGESC hija ffukata fuq l-implimentazzjoni tal-Istrateġija u l-Pjan ta’ Azzjoni għall-Ugwaljanza LGBTIQ+ 2023-2027 li jinkludi aktar minn 90 miżura f’10 oqsma prinċipalment immirati lejn il-mainstreaming tal-ugwaljanza LGBTIQ+ f’numru ta’ sfieri tal-ħajja bħall-impjieg, l-edukazzjoni, is-saħħa, u l-isport, u biex tindirizza numru ta’ oqsma intersezzjonali bħall-anzjanità, il-migrazzjoni, u d-diżabbiltà. Din l-istrateġija u l-pjan ta’ azzjoni jibnu fuq l-Istrateġija tal-Ugwaljanza LGBTIQ u l-Azzjoni 2018 – 2022 u l-Pjan ta’ Azzjoni LGBTIQ 2015-2017.
It-Taqsima SOGIGESC ippubblikat ir-rapporti annwali hawn taħt li jagħtu ħarsa lejn ix-xogħol tal-unità u l-progress fl-għanijiet stabbiliti fl-istrateġija u l-pjan ta’ azzjoni.