Biex timmarka Jum l-UE Kontra t-Traffikar, Dr Lynn Chircop Faure, Senior Manager HRD, deheret fuq TVAM biex tqajjem kuxjenza dwar it-traffikar tal-bnedmin f’Malta u madwar l-Ewropa.
Hija ssottolinjat il-kooperazzjoni meħtieġa bejn il-partijiet ikkonċernati lokali kif ukoll l-Istati Membri fil-livell Ewropew, u tenniet l-importanza li jiġu pprovduti strutturi adegwati għall-protezzjoni tal-vittmi. Filwaqt li l-forom ta’ sfruttament huma varjati, id-diskussjoni ffukat fuq l-isfruttament tal-ħaddiema peress li studju tal-Eurostat sab li 82% tal-vittmi rreġistrati f’Malta matul il-perjodu 2017-2018 kienu għal xogħol furzat.