Ġie żviluppat kalendarju ta’ avvenimenti biex jikkommemora l-Kampanja Qalb Blu ta’ din is-sena mill-HRIU biex titqajjem kuxjenza dwar it-traffikar tal-bnedmin. Ħafna partijiet ikkonċernati rilevanti tat-traffikar tal-bnedmin inklużi entitajiet governattivi, is-soċjetà ċivili u organizzazzjonijiet internazzjonali pparteċipaw permezz ta’ diversi attivitajiet bejn it-8 u l-31 ta’ Lulju. L-attivitajiet kienu jinkludu sensibilizzazzjoni fuq il-midja soċjali, artikli tal-aħbarijiet, sessjonijiet ta’ informazzjoni, u t-tixrid ta’ fuljetti u posters fost l-oħrajn. It-tema ta’ din is-sena “Leave No Child Behind in the Fight Against Human Trafficking” ispirat ħafna mill-attivitajiet bħal sessjoni ta’ informazzjoni mal-Bord Konsultattiv tat-Tfal organizzata minn rappreżentanti mill-HRIU flimkien ma’ uffiċjali mill-Kunsill tal-Ewropa u l-Kummissjoni Ewropea, il-wiri ta’ film dwar it-traffikar tat-tfal intitolat “The Sound of Freedom” mis-CCIF, u sessjoni ta’ taħriġ li saret fl-MCAST mogħtija mill-IOM. Il-pinnijiet tal-qalb blu ġew ipprovduti mit-Taqsima tal-Promozzjoni tal-UNODC, u dawn tqassmu lit-tfal fil-laqgħa mal-Bord Konsultattiv tat-Tfal.
Bħal fis-snin preċedenti ħafna kunsilli lokali kkollaboraw biex jixegħlu l-faċċati tal-bini tagħhom/postijiet familjari oħra bil-blu biex jikkommemoraw il-Kampanja Qalb Blu u jqajmu kuxjenza dwar it-traffikar tal-bnedmin. Dawn kienu jinkludu: