It-tnedija uffiċjali tal-Proġett Konġunt dwar “Appoġġ lil Malta fit-tfassil u l-implimentazzjoni ta’ Strateġija Nazzjonali ġdida Kontra t-Traffikar” saret f’Dar l-Ewropa, il-Belt Valletta fis-6 ta’ Diċembru 2022. L-avveniment ta’ tnedija laqqa’ flimkien il-membri tal-kumitat interministerjali u rappreżentanti oħra minn organizzazzjonijiet pubbliċi u privati nazzjonali li huma ta’ importanza kbira fil-ġlieda kontra r-reat tat-traffikar tal-bnedmin.