X'inhu t-Traffikar tal-Bnedmin?
It-termini “traffikar tal-bnedmin” u “skjavitù moderna” t-tnejn jirreferu għar-reat ta’ sfruttament fejn il-persuni, permezz tal-forza, il-koerċizzjoni, it-theddid u l-qerq isiru biex jaħdmu jew iwettqu attivitajiet oħra kontra r-rieda tagħhom għall-profitt ta’ oħrajn.
It-traffikar tal-bnedmin huwa ksur serju tad-drittijiet tal-bniedem, inklużi:
- Id-dritt għal-libertà u għas-sigurtà
- Id-dritt li wieħed ikun ħieles minn trattament krudili jew inuman
- Id-dritt għall-moviment liberu
- Id-dritt għall-ħajja
It-traffikar jista’ jieħu diversi forom u jista’ jinvolvi:
- sfruttament sesswali
- xogħol furzat u servitù domestika
- attivitajiet kriminali furzati
- tallaba sfurzati
- żwieġ furzat
- adozzjoni illegali
- sfruttament ta’ maternità surrogata
Aktar informazzjoni dwar il-forom ta’ traffikar tal-bnedmin tista’ tinstab hawnhekk.
Biex tirrapporta l-kundizzjonijiet tax-xogħol:
- DIER – 1575, [email protected]
- Jobsplus – https://jobsplus.gov.mt/forms
It-traffikar tal-bnedmin mhuwiex faċilitazzjoni ta’ dħul klandestin ta’ migranti.
Il-kuntrabandu tal-bnedmin jinvolvi l-għoti ta’ servizz (tipikament, trasport jew dokumenti frodulenti) lil individwu li volontarjament ifittex li jikseb dħul illegali f’pajjiż barrani. Huwa possibbli li r-reat jibda bħala kuntrabandu tal-bnedmin iżda malajr jinbidel fi traffikar tal-bnedmin.