Statistika Nazzjonali - Vittmi tat-Traffikar tal-Bnedmin f'Malta
Fl-24 ta’ Jannar 2024, il-Eurostat ippubblika l-istatistika tal-2022 dwar it-traffikar tal-bnedmin fl-UE.
Fl-2022, Malta rrapportat 22 vittma tat-traffikar tal-bnedmin, li ħamsa minnhom ġew identifikati mill-Forza tal-Pulizija ta’ Malta, u sitt persuni suspettati.
L-għadd ta’ vittmi rreġistrati tat-traffikar tal-bnedmin fl-UE kien ta’ 10,093 filwaqt li 8,064 kienu persuni suspettati u 2,097 persuna ġew ikkundannati għar-reat tat-traffikar tal-bnedmin.
Fid-9 ta’ Frar 2023, l-EUROSTAT ippubblika l-istatistika tal-2021 għall-vittmi tat-traffikar tal-bnedmin identifikati f’Malta.
Dan kien jikkonsisti f’erba’ (4) vittmi nisa identifikati ta’ sfruttament uman minn Pajjiżi mhux tal-UE għal skopijiet ta’ xogħol, sesswali u oħrajn.
Id-data nġabret mill-Unità tal-Istatistika dwar il-Kriminalità fi ħdan l-Uffiċċju Nazzjonali tal-Istatistika u ġiet ippubblikata mill-Eurostat.
- Trafficking victims in Europe, a rise by 10% and the share of EU nationals among the victims increased to 59% (europa.eu)
- Eurostat crime database
- Statistics Explained article
Fi Frar 2022, il-Fondazzjoni għas-Servizzi tal-Assistenza Soċjali ppubblikat Rapport Statistiku mill-Aġenzija Appoġġ dwar is-Servizz ta’ Dħul u Appoġġ għall-Familja – Servizz ta’ Traffikar tal-Bnedmin (IFSS-HT) matul il-perjodu minn Jannar sa Diċembru 2021.
Ir-Rapport Statistiku Annwali tal-Aġenzija Appoġġ Jannar sa Diċembru 2021 huwa disponibbli hawnhekk.