Il-Pjan ta’ Azzjoni Nazzjonali dwar it-Traffikar tal-Bnedmin (2020-2023) kien is-sitt pjan ta’ azzjoni nazzjonali ta’ Malta għall-ġlieda kontra t-traffikar tal-bnedmin u nkiteb f’konformità mal-obbligi ta’ Malta, tal-UE u obbligi internazzjonali oħra fil-qasam. L-azzjonijiet fittxew li jindirizzaw l-aspetti ewlenin tal-ġlieda kontra t-traffikar tal-bnedmin b’enfasi partikolari fuq is-sensibilizzazzjoni u l-prevenzjoni, għalkemm l-isforzi f’oqsma oħra, inkluża l-prosekuzzjoni, huma segwiti wkoll mill-entitajiet ikkonċernati.

Il-Pjan ta’ Azzjoni Nazzjonali kien jikkonsisti f’azzjonijiet fl-oqsma tal-Koordinazzjoni, is-Sensibilizzazzjoni u l-Prevenzjoni, u l-Evalwazzjoni u l-Monitoraġġ.