Integrazzjoni = Appartenenza kienet l-ewwel strateġija għall-integrazzjoni li ġiet adottata f’Malta. Id-dokument huwa maqsum f’żewġ partijiet ewlenin: l-istrateġija nfisha u l-pjan ta’ azzjoni li jsegwiha biex jiġi implimentat matul it-tliet snin ta’ wara. Waħda mill-azzjonijiet ewlenin ta’ din l-istrateġija kienet il-Programm ‘Nappartjeni’.

Din l-istrateġija ħolqot qafas għall-fehim ta’ integrazzjoni ta’ suċċess permezz tal-livell ta’ appartenenza tal-migranti fis-soċjetà Maltija u l-ispazju li s-soċjetà Maltija tippermetti għal din l-integrazzjoni fis-setturi u strati differenti tagħha. Il-Pjan ta’ Azzjoni għall-Integrazzjoni tal-Migranti stabbilixxa sensiela ta’ miżuri u identifika istituzzjonijiet responsabbli għal kull azzjoni, kif ukoll skeda ta’ żmien għall-implimentazzjoni tagħhom.

Il-pubblikazzjoni tal-istrateġija u l-pjan ta’ azzjoni ġew milqugħa tajjeb mis-soċjetà ċivili u l-organizzazzjonijiet internazzjonali, li wħud minnhom ġew ikkonsultati matul il-proċess tat-tfassil.

Il-Konferenza Annwali tal-Integrazzjoni tal-2019 uriet aġġornamenti li saru sa dak iż-żmien.