It-Taqsima għall-Affarijiet Interkulturali u Kontra r-Razziżmu hi l-punt ta’ dħul ta’ Malta għall-integrazzjoni. Din it-Taqsima tfittex li tassisti persuni ta’ sfond ta’ migrazzjoni li jirrisjedu f’Malta u qegħdin fit-triq individwali tagħhom lejn l-integrazzjoni.
Bħala parti mill-Istrateġija u l-Pjan ta’ Azzjoni għall-Integrazzjoni (Viżjoni 2020), il-Programm ‘Nappartjeni’ għandu l-għan li jipprovdi approċċ ħolistiku għall-integrazzjoni. L-ewwel pass f’din id-direzzjoni jkun l-għarfien tal-lingwi uffiċjali tal-pajjiż u l-għarfien kulturali.
Flimkien mal-MCAST u l-Università ta’ Malta, it-Taqsima għall-Affarijiet Interkulturali u Kontra r-Razziżmu toffri korsijiet tal-lingwa Maltija u dik Ingliża u korsijiet ta’ Orjentazzjoni Kulturali f’żewġ stadji. Il-korsijiet tal-lingwi jiffokaw fuq l-użu ta’ kuljum biex jiffaċilitaw l-integrazzjoni tal-persuna fis-soċjetà. Il-kors tal-orjentazzjoni kulturali jkopri l-aspetti soċjali, kulturali, ekonomiċi u storiċi ta’ Malta, u l-kostituzzjoni, il-liġi u l-valuri demokratiċi. Il-korsijiet huma bla ħlas għall-istudenti, sakemm ma jkunux soġġetti għal ħlas biex jirrepetu l-kors.
X’INHU INKLUŻ F’DAWN L-ISTADJI?
Il-korsijiet huma offruti f’żewġ stadji:
Stadju 1: Ċertifikat ta’ Qabel l-Integrazzjoni
L-1 Stadju jikkonsisti f’dawn il-korsijiet li se jingħataw mill-MCAST Mosta jew Raħal Ġdid:
Kull kors jirrikjedi 80% attendenza u marka minima ta’ 50% biex tirċievi ċertifikat.
Wara ċ-ċertifikat ta’ Stadju 1, l-applikanti jistgħu javvanzaw għal Stadju 2.
Stadju 2: Ċertifikat għall-Integrazzjoni
Stadju 2, li huwa wieħed mir-rekwiżiti għal Status ta’ Residenza Long Term għal Ċittadini minn Pajjiżi Terzi, jikkonsisti minn dawn il-korsijiet mogħtija mill-Università ta’ Malta u l-MCAST:
Marka minima ta’ 65% hi meħtieġa biex tirċievi ċ-Ċertifikat fil-Lingwa Maltija għall-Integrazzjoni. 80% attendenza u marka minima ta’ 75% huma meħtieġa biex tirċievi Ċ-Ċertifikat fl-Orjentazzjoni Kulturali.
L-applikanti jirċievu ċertifikat wara li jtemmu b’suċċess dawn il-korsijiet.
Korsijiet Supplimentarji: Korsijiet Bażiċi
Filwaqt li rrikonoxxa l-ħtieġa ta’ korsijiet ta’ litteriżmu fl-Ingliż, il-Malti u l-Litteriżmu Diġitali, l-HRD ssieħeb mal-MCAST biex jipprovdi korsijiet bażiċi fl-Ingliż u l-Malti. Il-korsijiet huma mfassla b’mod li jiffaċilitaw l-aċċess għall-programm billi jipprovdu l-ħiliet lingwistiċi meħtieġa.
Il-korsijiet huma bla ħlas għall-istudenti, sakemm ma jkunux soġġetti għal ħlas biex jirrepetu l-kors.
X’INHU L-PROĊESS?
1. Sottomissjoni tal-Appllikazzjoni
Il-korsijiet huma bla ħlas għall-istudenti, sakemm ma jkunux soġġetti għal ħlas biex jirrepetu l-kors.
2. Reġistrazzjoni tal-Formola ta’ Applikazzjoni għall-Integrazzjoni
L-Uffiċjali tal-Integrazzjoni se jikkonfermaw l-irċevuta tal-Formola ta’ Applikazzjoni tiegħek u jinfurmawk bin-Numru tal-Fajl tiegħek.
3. Laqgħa ta’ Talba għall-Integrazzjoni
L-HRD se jikkuntattjak għal laqgħa one-to-one, li tista’ ssir fl-uffiċċju jew online, biex jitfassal il-Pjan Personali ta’ Integrazzjoni tiegħek.
4. Implimentazzjoni tal-Pjan Personali ta’ Integrazzjoni
Il-Pjan Personali ta’ Integrazzjoni jista’ jinkludi:
5. It-Triq ’il Quddiem
Wara li tirċievi ċ-Ċertifikat ta’ Qabel l-Integrazzjoni ta’ Stadju 1, tista’ tirreġistra għaċ-Ċertifikat għall-Integrazzjoni ta’ Stadju 2. Il-kompletezza b’suċċess taċ-Ċertifikat ta’ Qabel l-Integrazzjoni ta’ Stadju 1 jitqies bħala wieħed mir-rekwiżiti għall-Awtorizzazzjoni ta’ Residenza Speċifika (SRA) f’Malta.
Il-kompletezza b’suċċess taċ-Ċertifikat għall-Integrazzjoni ta’ Stadju 2 jitqies bħala wieħed mir-rekwiżiti għal Status ta’ Residenza Long-Term (LTR) f’Malta.
Jekk teħtieġ aktar għajnuna mit-Taqsima għall-Affarijiet Interkulturali u Kontra r-Razziżmu, tista’ tikkuntattjana hawn. Dan il-proġett huwa parzjalment iffinanzjat mill-Unjoni Ewropea – Fond għall-Ażil, il-Migrazzjoni u l-Integrazzjoni 2014-2020. Awtorità Responsabbli eufunds.gov.mt.
