Il-proġett bl-isem ta’ ‘First Step: Pre-Departure Integration Measures (PDIMs) in Malta’, talab appoġġ għad-disinn u l-iżvilupp ta’ sistema nazzjonali għall-miżuri ta’ integrazzjoni qabel it-tluq, li se tkun inkluża wkoll bħala riżultat fl-Istrateġija l-ġdida għall-Integrazzjoni u l-Pjan ta’ Azzjoni. Din is-sistema ttejjeb l-integrazzjoni tal-migranti fis-soċjetà Maltija billi tippermettilhom jibdew l-integrazzjoni qabel it-tluq u jiksbu informazzjoni importanti dwar id-drittijiet, l-obbligi u l-opportunitajiet f’Malta. L-azzjoni se tikkontribwixxi biex tiffaċilita l-proċess tal-migrazzjoni tax-xogħol u se tipprovdi lill-popolazzjoni tal-migranti b’informazzjoni essenzjali dwar Malta u tgħinhom jidentifikaw il-ħiliet u l-attitudnijiet meħtieġa biex jintegraw b’suċċess. Għalhekk, il-proġett għandu l-għan li jippermetti lill-migranti jużaw bis-sħiħ il-kompetenzi u l-ħiliet tagħhom, isiru assi għall-pajjiż, u jipprevjenu l-isfruttament tax-xogħol.

Biex jagħmel dan, il-proġett se jikseb żewġ riżultati ewlenin:

Riżultat 1: L-istakeholders relevanti kollha għandhom fehim aħjar tal-bżonnijiet u r-riżorsi meħtieġa biex jiżguraw il-pedamenti għal PDIMs sostenibbli.

Riżultat 2: L-awtoritajiet Maltin għandhom fehim ċar tal-appoġġ meħtieġ għall-implimentazzjoni tal-PDIMs personalizzati.

Riżultati u attivitajiet ewlenin:

• Rapport tal-immappjar li jiddeskrivi l-istat ta’ PDIMs disponibbli fil-kuntest Malti u li jiddentifika l-aħjar prattiki fuq livell tal-UE.
• Analiżi komparattiva li tinkludi rakkomandazzjoniiet għal PDIMs ibbażati fuq l-immappjar u l-iskambju transnazzjonali;
• Żjara ta’ studju transnazzjonali għall-istakeholders Maltin biex jiffamiljarizzaw ruħhom ma’ prattiki tajbin;
• Grupp ta’ Esperti Tekniċi (TEP) magħmul minn stakeholders ewlenin biex jikkontribwixxu biex jipprovdu feedback fuq id-disinn, l-istruttura u l-għodod tal-pjattaforma tal-PDMIs tal-E-Government PDIMs.

Dan il-proġett huwa ffinanzjat mill-Unjoni Ewropea, permezz tal-Istrument ta’ Appoġġ Tekniku, u implimentat mill-Organizzazzjoni Internazzjonali għall-Migrazzjoni (IOM) f’kooperazzjoni mad-Direttorat għad-Drittijiet tal-Bniedem (HRD) u d-Direttorat Ġenerali għall-Appoġġ għal Riforma Strutturali (DG REFORM)